وحدات حماية المدنيين YPS في عملية سرية تقتل عنصرين من الاحتلال التركي
YPS'ê li ser şerê li Colemêrgê daxuyanî da
Koordînasyona Giştî ya YPS'ê ragihand, roja 17'ê Hezîranê endamê wan Kemal Cesûr ê ji bo wezîfeyekê diçû Colemêrgê, di şer de jiyana xwe ji dest da.

NAVENDA NÛÇEYAN Sunday, 25 Jun 2017, 09:34
Di daxuyaniya YPS'ê de hat ragihandin, di vî şerî de polîsek hatiye kuştin, 4 polîs jî birîndar bûne.
Daxuyaniya Koordînasyona Giştî ya Yekîneyên Parastina Sivîlan (YPS) a li ser mijarê wiha ye:
"Roja 17'ê Hezîranê saet di 15:00 de, endamekî me yê YPS'ê, ji bo wezîfeyê çû navenda Colemêrgê. Dijmin bi endamê me Kemal Cesûr hesiya û li ser vê yekê şer derket. Li vê derê polîsek hate kuştin û 4 polîs jî birîndar bûn. Piştî bûyerê, endamê me yê YPS'ê hevrê Kemal Cesûr şehîd bû.
Hevrê Kemal Cesûr, ji roja tevî nava refên têkoşînê bû û vir ve, bi rengekî bê tirs cihê xwe di nava têkoşînê de girt û bû milîtanekî çalak ê berxwedanê. Hevrê Kemal, bi jiyan û sekna xwe cihê xwe di dilê hevrêyên xwe de girt û bi hêrs û kîna xwe ya li dijî dijmin, ji bo jiyana azad a gelê xwe xwe ji ti fedakariyê venegirt. Di nava refên YPS'ê de jî, ti carî xwe ji bicihanîna erk û wezîfeyê venegirt. Windahiya hevrê Kemal ji bo hevrêyên wî windahiyeke mezin jî be, li ser bingeha hilanîna tola wî wê têkoşîn bê geşkirin û bi ser were xistin. Li ser vê bingehê, di serî de em ji malbata Yalçin a hevrêyê me yê leheng û tevahiya gelê Kurdistanê re sersaxiyê dixwazin. Em careke din soza xwe dubare dikin, ku em ê tola wî hilînin.
Nasnameya endamê me yê şehîd bû, wiha ye:

Nasnav: Kemal Cesûr
Nav paşnav: Ararat Yalçin
Dayik: Rahîme
Bav: Haci
Dem û cihê jidayikbûnê: 8'ê Tebaxa 1996'an / Colemêrg
Dem û cihê tevlîbûna li nava refên têkoşînê: 19'ê Hezîrana 2013 / Colemêrg
Dem û cihê şehadetê: 17'ê Hezîrana 2017 / Colemêrg
ليست هناك تعليقات