مقتل 22 عنصر تركي على يد ابطال الكريلا في مناطق باكور كردستان

مركز إعلام قوات الدفاع الشعبي HPG تعلن مقتل 22 عنصر تركي في مناطق جولميرك موش جوليلي في هجمات لقوات الكريلا على مواقع الاحتلال التركي 

النص بالغة الكردية: 

Navenda Ragihandin û Çapemeniyê ya HPG’ê ku têkildarî çalakiyên gerîlayan daxuyaniyek nivîskî da û diyar kir ku li Colemêrg 13, li Mûş 7 û li Çewligê jî 2 leşkerên Tirk hatine kuştin.

Daxuyaniya HPG’ê ya li ser malpera wan a fermî ev agahî da:

COLEMÊRG

“6’ê Hezîranê saet 15:00’an, di navbera devera Derava Têlê û Xezalkê de konvoyekî wesayîtan a aîdî artêşa Tirk a dagirker ku ji navçeya Çelê ya Colemêrgê ber bi navenda Colemêrgê ve diçû ji aliyê hêzên me ve hatiye hedefkirin. Di encama lêdana xurt a hêzên me ji nêzîk ve ji konvoyên wesayîtên zirxî wesayîta bi tîpa Kîrpî ji rê de derket û hate rûxandin. Wesayîtekî bi tîpa Kobra û TIR’a ku wesayîtekî kîrpî li ser bû hatin derbkirin û neçera man ji herêmê dûr bikevin. Di vê çalakiyê de bi qasî hate zelalkirin 13 leşker hatin kuştin, 7 leşker jî hatine birîndarkirin. Hêzên me piştî çalakiyê bi sax û silametî gihiştine cihên xwe.

5’ê Hezîranê saet 15:00’an, hêzên me li dijî leşkerên li Qereqola Şkêr ya navçeya Çelê ya Colemêrgê bi cih bibûn çalakiye lidar xistine. Di vê çalakiyê de qasî hate zelalkirin 2 leşker hatine kuştin.

Hêzên me 6’ê Hezîranê li dijî leşkerên li Qereqola Deştanê ya girêdayî navçeya Çelê ya Colemêrgê kom bibûn çalakiyek lidar xistin. Di vê çalakiya wesayîta kepçe û wesayîta aîdî kontrayan hate derbkirin de, hejmara kuştî û birîndarên artêşa Tirk nehate zelalkirin.

MÛŞ

3’yê Hezîranê hêzên me li herêma Şehîd Şiyar a Mûşê yekîneyekî veşatî ya artêşa Tirk ku li herêmê xwe bi cih kiribûn û karûbarên kemînê dikin, xistine di bin kontrola xwe de. Hêzên me demekê ev yekîne şopandine, di heman rojê de saet 16:00’an li ser rêya Gundê Dazikomê yekîne dikin hedef û çalakiyekê li dijî wan lidar dixin. Di vê çalakiyê de bi qasî hate zelalkirin 7 leşker hatine kuştin, gelek leşker jî birîndar bûne.

Saet 17:00’an, bi piştgiriya balafirên bê mirov ên keşfê û helîkopteran kuştî û birîndarên xwe bi helîkopterên Skorsky ji qadê rakirine, piştre jî artêşa Tirk li qadê dest bi operasyonê kirine.

ÇEWLIG

5’ê Hezîranê saet 17:15’an hêzên me li dijî leşkerên li Qereqola Seter a girêdayî navçeya Korxol a Çewligê çalakiyekî ya sekvaniyê lidar xistine. Di vê çalakiyê de 2 leşker hatine kuştin. Piştî çalakiyê hêzên Tirk ên li Qereqola Seterê derdora xwe be ketober dan ber obus û hewanan.”