عمليات لابطال الكريلا مقتل 8 جنود و استشهاد 4 مقاتلو من الكريلا
البيان الكامل باللغة الكردية:
Navenda Ragihandin û Çapemeniyê ya HPG’ê ya ku daxuyaniyek nivîskî da, diyar kir ku 12’ê Hezîranê li herêma Herekol a Sêrtê, gerîlayan leşkerên ku derketibûn operasyonê kirin hedef.
HPG’ê di daxuyaniya xwe de ev agahî da: “Operasyona artêşa Tirk a ku 12’ê Hezîranê li herêma Herekol a Sêrtê dabû destpê kirin dewam dike. Hêzên me yên ku yekîneyên operasyon dişopandin, 17’ê Hezîranê saet 19:00’an li nêzî Girê Şehîd Berxwedan yekîneyekî ya operasyonê kirin hedef. Di çalakiya ji nêz ve çeperên dijmin kirin hedef de,8 leşker hatin kuştin, 2 leşker jî birîndar bûn. Artêşa Tirk bi helîkopterên Kobra û piştgiriya Hekîkopterên Skorsky kuştî û birîndarên xwe ji qadê dûr xistine.
LI ŞIRNEXÊ LI DIJÎ LEŞKERAN ÇALAKÎ
17’ê Hezîranê saet 15:00’an, hêzên me li dijî leşkerên artêşa Tirk ên li Girê Deriyê Sêvê yê Şirnexê bi cih bibûn çalakiyek lidar xistin. Di vê çalakiyê de hejmara kuştî û birîndarên leşkerên Tirk nehate zelakirin.
YEKÎNEYÊN VEŞARTÎ LI HERMÊ XEBATÊN KEMÎNAN DIKIN
Artêşa Tirk li Geliyê Hêgaderê ya girêdayî navçeya Dêra Hênê ya Çewligê bi piştgiriya yekîneyên veşartî kemînan datînin.
LI WANÊ Û DERSIMÊ 5 GERÎLA ŞEHÎD KETINE
Di şerê operasyona artêşa Tirk a 7’ê Hezîranê li herêma Qerebîlya a navçeya Elbak a Wanê qewimî de, me dabû diyarkirin ku 2 hevrêyên me şehîd bibûn. Dîsa heman şerî de hevrêyekî me ji yekîneya xwe qûtbibû agahiya ku ew jî şehîd ketiye zelal bûye.
Kontrayê bi navê Sînan Ozbaş ê ku pêşengtî ji operasyonê re kiriye û destê wî di şehadeta hevalê me de heye, 12’ê Hezîranê li herêma Qerebilya hate cezakirin.
AGAHIYÊN TÊKILDARÎ NASNAMEYAN
Nasnameya 3 hevrêyên me yên ku şehîd ketine wiha ne:
Nasnav: Berçem Roj
Nav û Paşnav: Ayşe Ayhan
Cihê Jidayikbûnê: Wan
Navê Dayik - Bav: Robîn - Ferzende
Cih û Dîroka Şehadetê: 7 Haziran 2017 / Wan

***
Nasnav: Demhat Colemerg
Nav û Paşnav: Fikri Duşkun
Cihê Jidayikbûnê: Colemêrg
Navê Dayik - Bav: Sidika - Selahattin
Cih û Dîroka Şehadetê: 7 Haziran 2017 / Colemêrg

***
Nasnav: Reber Barbeş
Nav û Paşnav: Ozgur Oskan
Cihê Jidayikbûnê: Amed
Navê Dayik - Bav: Delal - Siddik
Cih û Dîroka Şehadetê: 7 Haziran 2017 / Colemêrg

12’ê Hezîranê artêşa Tirk a dagirker li deverên Dokûzkayalar,Hingivan, Gundê Zxge û Geliyê Harçik ê girêdayî Dersimê dest bi operasyonekê kirbûn. 2 gerîlayên me yên ku li herêmê ji bo karekê amade bûn şehîd ketine. 16’ê Hezîranê ev agahî me parvekiribû. Nasnameya hevrêyên me yên ku şehîd bûne wiha ne:
Nasnav: Baz Çiya
Nav û Paşnav: Şahîn Kara
Cihê Jidayikbûnê: Amed
Navê Dayik - Bav: Leyla - Dogan
Cih û Dîroka Şehadetê: 12 Haziran 2017 / Dersim

***
Nasnav: Rojevîn Sîdem
Nav û Paşnav: Tûba Gul
Cihê Jidayikbûnê: Agirî
Navê Dayik - Bav: Guneş – Mehmet Nesim
Cih û Dîroka Şehadetê: 12 Haziran 2017 / Dersim

ليست هناك تعليقات